على مـ وصلت تانية ثانوي كانوا هم غيروا بقى رياضة حديثة
For script of the scene, see below.
ح: بس بقى قعدت بقى من اول سنة اولى استقريت في القاهرة
ش: يعني انت قعدت في السعودية لغاية تانية ثانوي
ح: لغاية تانية ثانوي اه
ش: والله
ح: اه
ش: يعني طفولتك كلها كانت في السعودية
ح: من ايه تانية ابتدائي يعني من تانية ابتدائي لتانية ثانوي وقعدت في تانية ثانوي قد اللي قعدته في السعودية من تانية ثانوي
ش: كان المناهج مختلفة
ح: كانوا هم في السعودية بياخدوا رياضة حديثة واحنا بناخد رياضة تقليدية اول مـ جيت جيت عـ الرياضة التقليدية وكتب كده شكلها غريب وكبير وصفرا وورق خفيف عارف
ش: ومافيهاش صور
ح: مافيهاش صور اه اه
ش: ايوه عارفها
ح: فقعدت اذاكر وبتاع هو الافيه ان انا بذاكر بس انا مش فاهم حاجة بس بذاكر فاهم بذاكر جامد ومش فاهم حاجة حقيقي لان انا دخلت على تانية ثانوي علطول فـ أتاري المنهج ده ليه في اولى ثانوي فـ ده استكمال
ش: المنهج ده بديّنه من أولى ثانوي (بادئ)
ح: هنا في مصر
ش: اللي هي الرياضة التقليدية
ح: الرياضة التقليدية اه من اولى ثانوي تانية ثانوي تالتة ثانوي
ش: اوكيه انت هناك درست في اولى ثانوي
ح: في اولى ثانوي رياضة حديثة فـ جيت هنا بقى داخل على الرياضة التقليدية في تانية ثانوي
ح: فـ طبعا سقطت في تانية ثانوي وبعدين قعدنا ندور عـ السبب انا سقطت ليه في تانية ثاموي ناجح بقى في كل المواد الا الرياضة الحديثة
ش: الرياضة الحديثة
ح: التقليدية
ش: التقليدية اه
ح: اه فـ ماعرفناش الغلط جي منين فـ رحت داخل تاني فـ سقطت تاني برضه فـ قلنا لا لازم نعرف السبب ايه فـ اكتشفنا بقى انه مفروض ان انا اذاكر منهج اولى ثانوي
ش: عشان تعرف ايه اللي بيحصل في تانية ثانوي
ح: عشان اعرف اكمل في تانية ثانوي
.....
ح: فـ لما ذاكرت منهج اولى ثانوي عشان اعرف ايه اللي بيحصل في تانية ثانوي حفظت بقى منهج اولى ثانوي كله على مـ وصلت تانية ثانوي كانوا هم غيروا بقى رياضة حديثة
ش: يا سلام فـ نجحت بقى